नेकपा एमालेका वरिष्ठ उपाध्यक्ष ईश्वर पोखरेलले ११ औं महाधिवेशनअन्तर्गत आज भएको बन्द सत्रमा छुट्टै अवधारणा पेस गर्दै अध्यक्ष केपी शर्मा ओलीको आलोचना गरेका छन्।
पोखरेलले जेनजी पुस्ताको आन्दोलनको प्रसंग निकाल्दै त्यसबेला पार्टीकै नेतृत्वमा सरकार रहेको र राम्रो काम गरेको भए किन असफल भइयो भन्ने प्रश्न गरेका हुन्।
‘गत भदौ २२ गते हामी जुन निस्कर्षमा पुगेका थियौं, त्यो ठाउँमा रहेनछौं। सबै ध्वस्त भयो, बाह्य कारण प्रमुख हो की आन्तरिक कारण निर्णायक हो यो प्रश्नको निराकारण गर्नै पर्छ। हामीले सबै राम्रै राम्रो गर्यौं? तर असफल भयौं? किन?,’ तत्कालीन प्रधानमन्त्रीसमेत रहेका अध्यक्ष ओलीप्रति लक्ष्य गर्दै उनले भने, ‘हामीसँग राज्य संयन्त्र थियो। के राज्य संयन्त्र निकम्मा हो? वा हामीबाट कमजोरी भयो?’
कमजोरी भयो भन्नेतिर ध्यान दिनै पर्ने उनले बताए।
साथै उनले ११ औं महाधिवेशनलाई एकता महाधिवेशनको सन्देश दिनुपर्ने बताए।
उनले पार्टी सञ्चालनबारे पुनर्विचार आवश्यक रहेको बताएका थिए। ‘बाह्य षड्यन्त्रलाई जिम्मा लगायो, हाम्रो कार्यभार सकियो?’ उनले प्रश्न गरे।
उनले विगतका महाधिवेशनहरूको पनि स्मरण गरेका थिए। १० औं महाधिवेशनमा कतिपय विषयमा आत्मसमीक्षा गर्नुपर्ने भए पनि त्यस्तो केही नभएको उनले बताए।
साथै उनले आफूले ल्याएको अवधारणा अध्यक्षसँग सल्लाह गरेर ल्याएको र महाधिवेशन प्रतिनिधिहरूको हातमा पनि पुग्ने बताए। उनले पार्टीको नीति र विधिमा समस्या नरहेको तर व्यवहारमा समस्या रहेको स्वीकार्नुपर्ने बताएका छन्।
-ink-1765706420.jpeg)
-1763886130.jpeg)
-1746009348.jpg)
