२५० वर्षअघिको कीर्तिपुर तस्बिरमा

नारायण महर्जन

काठमाडौं, वैशाख २३

कीर्तिपुरमा ऐतिहासिक फोटो प्रदर्शनी गरिएको छ। प्रदर्शनीमा कीर्तिपुरको २५० वर्षअघिदेखि हालसम्मको इतिहास, कला–संस्कृति, नेवारी समाज र संस्कार तथा सम्पदा क्षेत्रका गरी २ सय वटा फोटोहरु छन्।

प्रदर्शनीमा आएका ६८ वर्षिया अवलोकनकर्ता कीर्तिपुर निवासी लक्ष्मीकुमारी खत्री आफ्नो पुरानो फोटो देखेर दंग परिन्। त्यस्तै ४२ वर्षिय बाबुकाजी महर्जन पनि आफ्नो बाल्यकालको फोटो प्रदर्शनीमा देखेर हर्षित भए। बिहान ९ बजेदेखि सॉझ ६ बजेसम्म गरिएको फोटो प्रदर्शनी करिब ३ हजारले अवलोकन गरेका थिए।

सॉझ ६ बजेसम्म कीर्तिपुरको क्वाचो (उमामहेश्वर मन्दिर परिसर) प्रदर्शनी स्थलमा अवलोकनकर्ताहरुको घुईंचो लागेको थियो।

इन्द्रायणी परिवार क्लवद्वारा आयोजित उक्त प्रदर्शनीमा कीर्तिपुर नगरपालिकाका प्रमुख रमेश महर्जन, चाइना कल्चर सेन्टरका प्रतिनिधि मण्डल र चर्चित फोटोग्राफर राजभाइ सुवालको उपस्थिति रहेको क्लबका अध्यक्ष मीमकुमार महर्जनले जानकारी दिए।

कीर्तिपुको ऐतिहासिक फोटो प्रदर्शनीको लक्ष्य ५० वर्षअघि मौलिक, जीवन शैली, भेष भुषा, जात्रा र अन्य प्रदर्शन गर्नु थियो, कीर्तिपुको ऐतिहासिक फोटो प्रदर्शनीमा राखिएको फाटोहरु बिभिन्न देश बिदेशका फोटोग्राफरहरुले खिचिएका थिए।