पाँचथरको सदरमुकाम फिदिममा मोटरसाइकल दुर्घटना हुँदा एक व्यक्तिको मृत्यु भएको छ।
मृत्यु हनुेमा फिदिम २ निवासी ४० वर्षीय मिलन लावती रहेका छन्। गणतन्त्र चोक नजिकै युमा आर्ट सेन्टर सञ्चालन गर्दै आएका लावतीको मोटर साइकल कुदाँउदा कुदाँउदै ज्यान गएको हो।
बिहान १० बजे घरबाट मे ६ प ६९२५ नम्बरको मोटरसाइकल चढेर पसल आउँदै गरेका लावतीले चलाइरहेको मोटरसाइकल अचानक अनियन्त्रित भएपछि उनी नजिकै रहेको सामना सुज सेन्टर अगाडि हुत्तिन पुगेका थिए।
लावतीलाई तत्काल अस्पताल लैजाँदै गर्दा बाटैमा मृत्यु भएको प्रत्यक्षदर्शीले जनाएका छन्।
मुटुको बिरामी रहेका लावतीलाई मोटरसाइकल कुदाइरहेकै बेला समस्या आएर लडेको हुनसक्ने जिल्ला प्रहरी कार्यालय पाँचथरले जनाएको छ।
पोष्टमार्टमका लागि पाँचथर अस्पतालको शव गृहमा राखिएको छ।
-1715411980.jpg)
