नौ विद्यार्थी संगठनले चिकित्सा शिक्षा आयोगले एमबिबिएस र बिडिएसमा बृद्धि गरेको शुल्क खारेज गर्न माग गरेका छन्।
आइतबार अखिल क्रान्तिकारीको केन्द्रीय कार्यालय गौशालामा बैठक बसेर विद्यार्थी संगठनहरूले बढाइएको शुल्क तत्काल खारेज गर्न माग गरेका हुन्।
बैठकपछि जारी विज्ञप्तिमा मेडिकल कलेजहरूले विद्यार्थीबाट लिएको अवैध शुल्क फिर्ता गर्न पनि माग गरिएको छ। ‘अहिले सरकारले मेडिकल कलेजहरूमा बढाएको शुल्क तत्काल खारेज गरेर व्यवस्थित गरियोस्। अन्यथा कडा संघर्षमा जाने चेतावनी दिन चाहन्छौं,’ विज्ञप्तिमा भनिएको छ।
अखिल क्रान्तिकारीका अध्यक्ष आलोक रायमाझी, नेपाल विद्यार्थी संघका पूर्वउपाध्यक्ष ऋषिकेशजंग शाह, समाजवादी विद्यार्थी युनियनका अध्यक्ष रूपनारायण श्रेष्ठ, अखिल (क्रान्तिकारी)का अध्यक्ष चिरञ्जिवी ढकाल, अनेरास्ववियु पाँचौंका अध्यक्ष घनश्याम मिश्र, अखिल नेपाल विद्यार्थी युनियनका प्रमुख प्रविण मिश्र, राष्ट्रिय विद्यार्थी संघका अध्यक्ष चिरञ्जिवी यादव, नेपाल आदिवासी जनजाति विद्यार्थी महासंघका अध्यक्ष दुजाङ शेर्मा सहभागी बैठकले कात्तिक २० गते अन्तर्क्रिया कार्यक्रम पनि गर्ने निर्णय गरेको छ।
