लामो समयदेखि अतिक्रमण हुँदै आएको टुँडिखेललाई खुला सार्वजनिक स्थलमा परिणत गर्न जागरूक नागरिकहरूबाट सञ्चालित 'मुक्त टुँडिखेल' अभियान एघारौं सातामा प्रवेश गरेको छ।
यो साताको कार्यक्रममा आज शनिबार 'हामी नबिर्सौं' शीर्षकको तस्बिर प्रदर्शनी गरेर टुँडिखेलका पुराना सम्झना ताजा गरियो।
बिहान ९ देखि दिउँसो ३ बजेसम्म खुलामञ्चबाहिर सडकछेउ आयोजित प्रदर्शनीमा ३२ तस्बिर समेटिएका थिए। कार्यक्रममा ऐतिहासिक महत्व, विपद्को सारथी, साँघुरिँदो खुला ठाउँ- पहिले र अहिले, खुला ठाउँको महत्व, निस्सासिएको सहर र आहा! क्या राम्रो काठमाडौंजस्ता विषयका तस्बिर प्रदर्शन गरिए।
यसपालिको कार्यक्रम विभिन्न युवा गतिविधिमा संलग्न समूह 'तन्नेरी चासो' सँगको सहकार्यमा गरिएको थियो।
विगतमा रानीपोखरीदेखि दशरथ रंगशालासम्म फैलिएको टुँडिखेललाई पुरानो स्वरूपमा फर्काउने र कुनै पनि भौतिक संरचना नभएको खुला सार्वजनिक स्थलमा परिणत गर्ने उद्देश्यले नागरिक स्तरमा यो अभियान सुरू भएको हो।
यस्ता छन् प्रदर्शनीमा राखिएका तस्बिर:
सबै तस्बिर स्रोत: अकुपाई टुँडिखेल अभियान