ओखलढुंगामा श्रृंखलाबद्ध रूपमा तीन जनाको हत्या तथा लुटपाट गर्ने गिरोहलाई प्रहरीले पक्राउ गरेको छ।
हत्या र लुटपाट गर्दै हिँड्ने गिरोहलाई केन्द्रीय अनुसन्धान ब्युरोको टोलीले शुक्रबार र शनिबार फरक-फरक ठाउँबाट चार जनालाई पक्राउ गरेको हो।
पक्राउ पर्नेमा ओखलढुंगा चिसाङ्ग गाउँपालिका-३ का २८ वर्षीय मिलन भन्ने संगम राई, रातमाटे बस्ने ३० वर्षीय विनोद राई, ३० वर्षीय प्रकाश भुजेल र ३० वर्षीय दोर्जे भन्ने अशोक भुजेल हुन्।
संगमलाई शुक्रबार र बाँकीलाई शनिबार पक्राउ गरिएको अनुसन्धान ब्युरोका प्रवक्ता शिवकुमार श्रेष्ठले जानकारी दिए।
उनका अनुसार उनीहरूको समूहले २०८२ पुस १५ गते ओखलढुंगा चिशंखुगढी गाउँपालिका-६ का ६० वर्षीय शोभितमान थापा र श्रीमती ६० वर्षीय रत्नमाया थापा मगरलाई धारिलो हतियार प्रहार गरेर वीभत्स हत्या गरेका थिए।
उनीहरूको हत्या गरेर अन्दाजी १ लाख नगद तथा गहन समेत लुटेको प्रहरीको आरोप छ।
सोही समूहले २०८२ असोज २६ गते ओखलढुंगा सिद्धिचरण नगरपालिका-४ को ५२ वर्षीया रत्नकुमारी कटवाललाई बञ्चरो प्रहार गरी हत्या गरेका थिए। हत्या पछि गहना र नगद लुटपाट गरेको प्रहरी अनुसन्धानमा खुलेको प्रवक्ता श्रेष्ठले जानकारी दिए।
उनीहरूले हत्या गर्नका लागि प्रयोग गरेको बञ्चरो, खुकुरी, गहना गालेर बनाइएको रिंग, बन्दुक, कोदालो, मोवाइललगायतका सामान प्रहरीले बरामद गरेको छ।
-1767528092.jpg)
-1746009348.jpg)
