मकवानपुरमा बसको ठक्करबाट मोटरसाइकल चालकको मृत्यु भएको छ।
शनिबार साँझ थाहा नगरपालिका-९ चित्लाङमा बा४ ख ८७७३ नम्बरको बसले बा.६५ प ४१७३ नम्बरको मोटरसाइकललाई ठक्कर दिँदा मोटरसाइकल चालक सोही नगरपालिका-१० बस्ने ३० वर्षीय मनोज गमाल गम्भीर घाइते भएका थिए।
उनलाई उपचारका लागि काठमाडौंको ट्रमा सेन्टर ल्याइएको थियो। उपचारकै क्रममा उनको मृत्यु भएको मकवानपुर प्रहरीले जनाएको छ।
मोटरसाइलकमा सवार अर्का एक जनालाई उपचारका लागि मनमोहन अस्पताल लगिएको छ।
बसका चालकलाई नियन्त्रणमा लिएर दुर्घटनाबारे अनुसन्धान भइरहेको प्रहरीले जनाएको छ।
