आर्ट र कविताको दुई दिने कार्यशाला 'कलाकृति' शनिबार सम्पन्न भएको छ।
शुक्रबार र शनिबार कार्यशाला भएको थियो।
पहिलो दिन 'पेन्टिङ वर्कशप' र 'स्केच वर्कशप' आयोजना गरिएको थियो। जसमध्ये सुभेक्षा पाण्डेले प्रशिक्षण गराएको पेन्टिङ वर्कशपमा १६ जना र सागर तिमल्सिनाले प्रशिक्षण गराएको स्केचिङ वर्कशपमा १० जनाले सहभागिता जनाएका थिए।
पहिलो दिन नै सम्पन्न भएको 'मण्डला वर्कशप' मा ८ जनाले सहभागिता जनाएका थिए। जसमा निकिता बुढाथोकीले प्रशिक्षण गराएकी थिइन्।
कार्यक्रमको दोस्रो दिन कला प्रदर्शनी, 'चिल्ड्रेन आर्ट वर्कशप' र 'पोयट्री सेसन' आयोजना गरिएको थियो। कार्यक्रममा २ सयभन्दा बढी सहभागी भएको रोट्राक्ट क्लब अफ बालाजुकी अध्यक्ष स्मृति खड्काले बताइन्।
रोट्राक्ट क्लब अफ बालाजु र रोट्राक्ट क्लब अफ ज्ञानेश्वर, सिस्टले म्याक कफीसँगको सहकार्यमा मध्य बानेश्वरस्थित 'द हन्ड्रेड स्पेसेस' मा आयोजित कार्यक्रम विभिन्न सेसन गरी दुई दिनमा सम्पन्न गरिएको हो। कार्यक्रमको व्यवस्थापनमा इभेन्टर नेपालले सहयोग गरेको थियो।