ओखलढुङगामा छोराहरूलाई यातना दिएको आरोपमा बुबा पक्राउ परेका छन्।
खिजीदेम्वा गाउँपालिका वडा नम्बर ९ का फुरिङ्जी शेर्पा पक्राउ परेका हुन्।
उनलाई दुई छोरामाथि यातना दिएको आरोपमा जिल्ला प्रहरी कार्यालयको टोलीले शुक्रबार दिउँसो पक्राउ गरेको हो।
उनले छोरालाई रिस उठेको बेला तातो भाडाँमाथि राखिदिने, हातखुट्टा बाँधेर झुण्डाउने गरेको सुचना प्राप्त भएको थियो। सोही आधारमा उनलाई पक्राउ गरिएको ओखलढुंगा जिल्ला प्रहरी कार्यालयका प्रहरी निरीक्षक विजय कार्कीले जानकारी दिए।
'छोराहरूले रिस उठाउँदा वा गल्ती गर्दा पटक पटक यातना दिने गरेको सुचना छ,' प्रहरी निरीक्षक कार्कीले भने, 'त्यसैले अनुसन्धानका लागि पक्राउ गरेका हौं।'
यस घटनामा प्रहरीले थप अनुसन्धान गरिरहेको उनले बताए।
