काठमाडौंको तीनकुनेमा टिपरको ठक्करबाट एकजनाको मृत्यु भएको छ।
शनिबार बिहान साढे ४ बजे काठमाडौं महानगरपालिका-३२ तीनकुनेस्थित गैरीगाउँ पेट्रोल पम्प अगाडिको सडकमा प्र.३ -०२-००३ प ६२४५ नम्बरको मोटरसाइकललाई टिपरले ठक्कर दिँदा मोटरसाइकलमा सवार दुई जनामध्ये एक जनाको मृत्यु भएको हो।
मृत्यु हुनेमा काभ्रेको पनौती नगरपालिका-११ घर भई ललितपुरको धापाखेल बस्ने अन्दाजी २६ वर्षीय सुकराम तामाङ छन्।
टिपरको ठक्करबाट गम्भीर घाइते भएका सुकरामलाई उपचारका लागि ट्रमा सेन्टर पुर्याइएकोमा बिहान साढे ५ बजे चिकित्सकले मृत घोषणा गरेको काठमाडौं प्रहरी परिसरका प्रवक्ता एसपी अपिलराज बोहराले जानकारी दिए।
मोटरसाइकलमा सवार अर्का युवक काभ्रेकै बेथानचोक गा.पा. वडा नं. ०६ बस्ने बर्ष अन्दाजी ३० वर्षका रमेश तामाङको उपचार भइरहेको एसपी बोहराले जानकारी दिए।
ठक्कर दिएर फरार भएको टिपर त्रिभुवन विमानस्थल भन्सार कार्यालयको कार्गो भवन परिसरमा भेटिएको एसपी बोहराले जानकारी दिए।
चालक फरार रहेको र उनको खोजी भइरहेको पनि एसपी बोहराले जानकारी दिए।
