सुनसरीमा घरको छतबाट खसेर नेपाल प्रहरीका एक जना असईको मृत्यु भएको छ।
इटहरी उपमहानगरपालिका वडा नम्बर २० घर भएका प्रेमबहादुर कटवालको निर्माणाधीन घरबाट लडेर मृत्यु भएको जिल्ला प्रहरी कार्यालय सुनसरीका डिएसपी योगराज खतिवडाले जानकारी दिए।
'सोमबार निमार्णाधीन घरको दुई तलामाथि पानी हाल्ने क्रममा उहाँ लड्नुभएको थियो। गम्भीर घाइते हुनुभएका उहाँलाई उपचारका लागि न्यूरो आर्या अस्पताल विराटनगरमा लगिएकोमा मृत्यु भएको हो,’ उनले भने।
उनी धनकुटा प्रहरी कार्यालयमा कार्यरत थिए।
