नेपाल प्रहरीको केन्द्रीय प्रवक्ताको जिम्मेवारी एसएसपी रमेश थापालाई दिइएको छ।
एसएसपी थापालाई केन्द्रीय प्रवक्ताको जिम्मेवारी दिइएको प्रहरी प्रधान कार्यालयले जनाएको छ।
उनी आइजिपीको सचिवालयमा कार्यरत थिए।
प्रहरीले सम्पादन गर्ने जनसरोकारका कार्यहरू यथार्थपरक र तथ्यगत रूपमा सञ्चारमाध्यममा सम्प्रेषण गर्न एसएसपी थापालाई प्रवक्ताको जिम्मेवारी दिइएको प्रहरी प्रधान कार्यालयले जनाएको छ।
यसअघि प्रवक्ता डिआइजी दिनेश आचार्य थिए।
