काठमाडौंको बानेश्वरमा गाडीको ठक्करबाट एक जनाको मृत्यु भएको छ।
शुक्रबार बिहान ९:२६ बजे काठमाडौं महानगरपालिका-३१ बानेश्वर क्षेत्रको कात्यानीचोकमा गाडीले ठक्कर दिँदा ३ वर्षीय बालकको मृत्यु भएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
मृतक भारतको सितामढी घर भई कात्यानीचोकमा डेरा गरी बस्दै आएका ३ वर्षीय बालक शिवांस झा छन्।
बा.प्र.०१-०३१ च ९५६३ नम्बरको गाडीले बालक झालाई ठक्कर दिएको थियो।
दुर्घटनामा घाइते भएका बालकलाई तत्कालै सिनामंगलस्थित केएमसी अस्पताल पुर्याइएको थियो।
उपचारको क्रममा बालक झाको साढे १० बजे मृत्यु भएको एसपी बोहराले बताए।
प्रहरीले गाडी र चालक काठमाडौं-३१ का ५५ वर्षीय रमेशकुमार श्रेष्ठलाई नियन्त्रणमा लिएको छ।
प्रहरी वृत्त बानेश्वरले घटनासम्बन्धी थप अनुसन्धान अघि बढाएको छ।
