संखुवासभामा विवाह गर्ने प्रलोभन देखाएर पटकपटक बलात्कार गरेको आरोपमा एक जना पक्राउ परेका छन्।
पाँचखपन नगरपालिका-१ कुसुवा टोल बस्ने २१ वर्षीय सोमकुमार तामाङ पक्राउ परेका छन्।
उनलाई जिल्ला प्रहरी कार्यालय संखुवासभाको टोलीले आइतबार (जेठ ११) पक्राउ गरेको हो।
उनले १७ वर्षीया किशोरीलाई विवाह गर्ने प्रलोभन देखाएर जेठ ८ गतेदेखि नियन्त्रणमा राखी पटकपटक बलात्कार गरेको उजुरी छ।
सोही उजुरीको आधारमा तामाङलाई पक्राउ गरिएको जिल्ला प्रहरी कार्यालय प्रहरी निरीक्षक अभिशेककुमार श्रेष्ठले जानकारी दिए।
उनलाई जिल्ला अदालतबाट म्याद थप गरेर अनुसन्धान भइरहेको छ।
