पूर्वाधार विकास मन्त्रालयका सचिवको कार्यकक्षमा पुगेर धम्क्याएको आरोपमा प्रहरीले एक जनालाई पक्राउ गरेको छ।
प्रहरीले कालिकोट घर भई भक्तपुरको मध्यपुर थिमी नगरपालिका-२ बस्ने ३५ वर्षीय उपेन्द्रकुमार शाहीलाई पक्राउ गरेको हो।
शाही जेठ ११ गते बिहान साढे ११ बजे पूर्वसूचना र जानकारी विना नै मन्त्रालयका सचिवको कार्यकक्षमा पुगेको आरोप छ।
हुलहुज्ज गर्ने, बाहिर जान भनेर सम्झाउँदा पनि अश्लिल शब्दको प्रयोग गर्ने, धाकधम्की दिएर आपराधिक उपद्रव गरेको भन्दै उनलाई पक्राउ गरिएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।
उनीमाथि जिल्ला अदालत काठमाडौंबाट ५ दिन हिरासतमा राख्न अनुमति लिएको छ।
