ललितपुर महानगरपालिकाले पछिल्लो समय विभिन्न स्थानमा साना तथा ठूला मोटरेबल र अपांगतामैत्री आकाशे पुल निर्माण गरिरहेको छ।
यस क्रममा कुसुन्ती-भैंसेपाटी जोड्ने पुल निर्माण भइसकेको छ भने बुंगमती-सुनाकोठी जोड्ने आरसिसी पुल सञ्चालन आइसकेको छ। केही ठाउँमा निर्माणाधीन छन्।
यही योजना अन्तर्गत एकान्तकुनामा पनि आकाशे पुल निर्माण अन्तिम चरणमा रहेको महानगरको पूर्वाधार विभाग प्रमुख प्रदीप पौडेलले बताए।
उनका अनुसार ४ करोड ६८ लाख रूपैयाँ लागतमा यो आकाशे पुल बनाउन लागिएको हो। करिब तीन महिनाभित्र पुल निर्माण सकिनेछ। आकाशे पुल बनाउने जिम्मा लामा प्रगति र मनी बुद्ध जेभीले पाएका छन्।
तर समस्या के छ भने, यही ठाउँमा संघीय सरकारले अन्डरपास बनाउने योजना अघि सारिरहेको छ। पछि अन्डरपास बनाउँदा अहिलेको आकाशे पुल भत्काउनुपर्ने पनि हुन सक्छ।
पूर्वाधार विकास मन्त्रालयका सहसचिव तथा प्रवक्ता रामहरि पोखरेल अन्डरपास बनाउँदा भत्काउन सकिने गरी एकान्तकुनामा आकाशे पुल बनाउने सहमति दिइएको बताउँछन्।
'भोलि अन्डरपास बनाउनुपर्यो भने आयोजना विस्तार गर्ने बेला आकाशे पुल भत्काउने सर्तमा अनुमति दिएका छौं,' उनले सेतोपाटीसँग भने।
उनका अनुसार अन्डरपास बनाउन अध्ययन समेत भएर ५० करोड रूपैयाँ लागत लाग्ने अनुमान गरिएको छ। चालु आर्थिक वर्षमै अन्डरपास बनाउने योजना भए पनि बजेट अभावका कारण सुरू हुन सकेको छैन।
अन्डरपास बनाउँदा भत्काउनुपर्ने पुलका लागि महानगरले यति धेरै खर्च किन गर्दै छ त?
यसबारे सोध्दा महानगरका पूर्वाधार विभाग प्रमुख पौडेल मन्त्रालयले सहमति दिएर बनाएकाले भत्काउनु नपर्ने जिकिर गर्छन्।
'भत्काउनुपर्छ भनेर समहति भएको छैन। यत्रो संरचना जसरी हुन्छ बचाउनु हुन्छ भन्ने लाग्छ,' उनले भने, 'दुई वर्षअघि नै सहमति भएर पुल बनाउन लागेका हौं। महानगरले बनाएको संरचना भत्काउनुअघि पनि त अनुमति लिनुपर्छ होला नि।'
-1785643923.jpg)
-1785643923.jpg)
-1785643923.jpg)
-1785643923.jpg)
-1785643922.jpg)
-1785643922.jpg)
-1785643922.jpg)
-1785643922.jpg)
-1785643922.jpg)
-1785643921.jpg)
-1785643921.jpg)
