तिब्बतबाट हिमाली जिल्ला रसुवा हुँदै आएको भीषण बाढीले नारायणी नदीमा पानीको सतह उच्च भएपछि पश्चिम नवलपरासीको सुस्ता क्षेत्रका बासिन्दालाई सुरक्षित स्थानमा सारिएको छ।
उनीहरूलाई सुस्तावारि रहेका बीपी माध्यमिक विद्यालयमा स्थानान्तरण गरिएको छ।
हालसम्म ९ सय ५० जनालाई सुरक्षित स्थानका सारिएको छ भने एक सयभन्दा बढीलाई सुस्ता गाउँमा सुरक्षित स्थानमा राखिएको छ।
स्थानान्तरण गरिएकालाई विद्यालयमा खाना र बास व्यवस्थापन गाउँपालिकाले गर्ने सुस्ता गाउँपालिका उपाध्यक्ष गीता चौधरीले बताइन्। केही स्थानीय भने आफन्तकहाँ बास बस्न पुगेका छन्।
नारायणी नदीमा पटकपटक बाँध फुट्ने र डुबानको समस्या झेल्दै आएका सुस्तावासी पुनः नदीमा बाढीको बहाव बढेपछि त्रसित बनेका छन्।
सुस्ता क्षेत्रको प्रमुख जिल्ला अधिकारी दीपकराज नेपाल, सुरक्षा निकायका प्रमुख सहितको टोलीले अनुगमन गरेको छ।
जोखिम मध्यनजर गरेर गण्डक बराजका सबै ढोका खोल्ने तयारी गरिएको प्रजिअ नेपालले बताए।
-1787754278.jpg)
-1787754278.jpg)
-1787754277.jpg)
-1787754276.jpg)
-1787754276.jpg)
-1787754277.jpg)
-1787754278.jpg)
-1787754278.jpg)
-1787754277.jpg)
-1787754279.jpg)
तस्बिर : प्रदिप पाठक/ नेपाल फोटो लाइब्रेरी
