नेपालका देवीदेवतासँग जोडिएका कथा, किंवदन्ती, संस्कार, परम्परा र लोकविश्वासलाई कलामार्फत प्रस्तुत गरिएको ‘नेपालका देवीदेवता–३ : कथा र किंवदन्ती’ कला प्रदर्शनी बिहीबारदेखि काठमाडौंको बबरमहलस्थित नेपाल कला परिषद्मा सुरू भएको छ।
प्रदर्शनी असोज १ देखि २४ गतेसम्म सञ्चालन हुनेछ।
बिहान १०ः३० देखि साँझ ५ः३० बजेसम्म खुला रहने प्रदर्शनीमा १५७ कलाकारका २८५ कलाकृति राखिएका छन्।
प्रदर्शनीले नेपालका देवीदेवतासँग सम्बन्धित कथा, धार्मिक तथा सांस्कृतिक अभ्यास र पुस्तौंदेखि हस्तान्तरण हुँदै आएका परम्परालाई समकालीन कलामार्फत प्रस्तुत गरेको छ। आयोजकका अनुसार यस्ता कथा र परम्परा नेपाली समाजको सामूहिक स्मृति, संस्कृति र आध्यात्मिक जीवनसँग जोडिएका छन्।
प्रदर्शनीसँगै ज्योतिष तथा ध्यानसम्बन्धी कार्यक्रम, निर्देशित सम्पदा भ्रमण, चर्या नृत्य प्रस्तुति तथा डोल्पाका कथा र परम्पराबारे संवाद कार्यक्रम पनि आयोजना हुनेछन्।
प्रदर्शनीको मुख्य संयोजन स्वस्ती राजभण्डारी कायस्थले गरेकी छन् भने सह–संयोजक प्रणवमान सिंह रहेका छन्। आयोजक नेपाल कला परिषद् हो।
तस्बिरहरू:
-1789631152.jpg)
-1789631152.jpg)
-1789631152.jpg)
-1789631152.jpg)
-1789631150.jpg)
-1789631149.jpg)
-1789631150.jpg)
-1789631149.jpg)
-1789631149.jpg)
-1789631149.jpg)
-1746009348.jpg)
