त्रिभुवन अन्तर्राष्ट्रिय विमानस्थलबाट दुई महिनामा एक किलो ६४३ ग्राम सुनसहित ४५ जना पक्राउ परेका छन्।
विमानस्थल सुरक्षा कार्यालयका अनुसार उनीहरूबाट ४ करोड २५ लाख ७३ हजार १८६ रुपैयाँ बराबरको सुन बरामद भएको हो।
कार्यालयका अनुसार साउन १ गतेदेखि भदौ ३१ गतेसम्मको अवधिमा ४५ जना पक्राउ परेका हुन्।
प्रारम्भिक अनुसन्धानका क्रममा विदेशबाट नेपाल फर्किएका केही नेपाली यात्रुलाई ज्यालाको प्रलोभनमा पारी तस्करहरूले सुन नेपाल भित्र्याउने प्रयास गरेको देखिएको विमानस्थल सुरक्षा कार्यालयले जनाएको छ।
-1746009348.jpg)
