जेनजी अभियानी रक्षा बमले पूर्वप्रधान न्यायाधीश चोलेन्द्र शमशेर जबरालाई ‘जेनजीबाट सुरक्षा थ्रेट’ रहेको भन्दै पक्राउ पुर्जीबिनै मध्यरातमा पक्राउ गरिएको भन्दै प्रश्न उठाएकी छन्।
उनले ‘जेनजी’लाई सुरक्षा खतराका रूपमा देखाएर सरकारले आफ्नो अक्षमता ढाकछोप गर्न खोजेको बताएकी हुन्।
‘यो जेनजी भनेको को हो हजुर? कुनै आतंकवादी संगठन हो? या भूमिगत सशस्त्र समूह हो? शक्तिको मातमा आफूखुसी पक्राउ गर्ने, मनलाग्दी आरोप लगाउने, न विधि मान्ने न प्रकिया मान्ने, अनि कारण के भन्दा , ‘जेनजी रे।’ तपाईहरूको अक्षमता ढाकछोप गर्न प्रयोग हुने शब्द हो र जेनजी?,’ उनले प्रश्न गरिन्।
शक्तिको आडमा आफूखुसी पक्राउ गर्ने, मनलाग्दी आरोप लगाउने तथा विधि र प्रक्रिया नमान्ने काम भइरहेको उनले बताइन्।
‘यदि जेनजी कुनै संगठित सुरक्षा खतरा हो भने त्यसको प्रमाण कहाँ छ? र यदी छैन भने यो सरासर दुई तिहाइको शक्तिको डर देखाएर पक्राउ गरेको हो अरू केही होइन। आफ्नो राजनीतिक दाउपेच मिलाउन नसकेर मध्यरातमा कसैलाई पक्राउ गर्ने, अनि नाम चै जेनजी,’ उनले भनिन्।
उनले सरकारमाथि सुरक्षा निकायको दुरूपयोग गरेको आरोपसमेत लगाएकी छन्।
‘हैन, हाम्रा सुरक्षा निकायको कतिसम्म दुरूपयोग गरिरहेको सरकारले? नगर प्रहरी चलाए जसरी चलाउँछु भन्ने सोच्नुभयो क्या हो?’ उनले प्रश्न गरेकी छन्।
-1788334994.jpg)
.JPG)
-1746513231.jpg)
