कपिलवस्तुमा बस र ट्रक ठोक्किँदा एक जनाको मृत्यु भएको छ।
शिवराज नगरपालिका–१ चोरखोलामा शुक्रबार बिहान ट्रक र बस आपसमा ठोक्किँदा बस चालकको मृत्यु भएको हो।
पूर्व–पश्चिम राजमार्गमा पश्चिमबाट पूर्वतर्फ गइरहेको ना६ ख ३३३३ नम्बरको ट्रक र विपरीत दिशाबाट आइरहेको लु प्र ०३–००१ ख ००९९ नम्बरको बस एकापसमा ठोक्किँदा बस चालक बाँकेको खजुरा गाउँपालिका–५ का सुमन खत्रीको घटनास्थलमै मृत्यु भएको ट्राफिक प्रहरी कार्यालय कपिलवस्तुका प्रहरी निरीक्षक राजन ढकालको जानकारी दिए।
उनका अनुसार बसमा सवार ११ यात्रु घाइते भएका छन्।
घाइते सबैको अवस्था सामान्य छ।
मोरङ कानेपोखरी गाउँपालिका–२ घर भएका ट्रक चालक रुपेश धिमाललाई प्रहरीले नियन्त्रणमा लिएको छ।
दुर्घटनाबारे थप अनुसन्धान भइरहेको प्रहरीले जनाएको छ।
