वेस्ट इण्डिजसँगको खेल वर्षाका कारण स्थगित भएपछि भारतीय कप्तान विराट कोहली निराश देखिए।
बिहिबार भएको उनीहरूबीचको खेल पटकपटक वर्षाका कारण रोकिएपछि अन्ततः स्थगित भयो। खेल जम्मा १३ ओभरमात्र चल्यो। भारत र वेस्ट इण्डिजले ३ खेलको एकदिवसीय सिरिज खेल्नेछन्।
'यो क्रिकेटको सबैभन्दा खराब हिस्सा हो। यस्ता वर्षाले बीचबीचमा खेल रोकिएको एकदमै राम्रो लाग्दैन कि पूरा पानी परोस कि पूरै खेल्न पाइयोस्। जतिपटक खेल यसरी रोक्दै खेलिन्छ, त्यतिपटक तपाईंले खेलाडी घाइते होलान् कि भनेर ध्यान दिनुपर्नेहुन्छ', म्याच रद्ध भएपछि कोहलीले भने, 'यहाँ वेस्ट इण्डिजका केही पिचले हाम्रो राम्रै परिक्षा लिन्छन्। केही पिचमा राम्रो पेस र उछाल हुन्छ भने केही धिमा हुन्छन् जसमा धर्यतापूर्वक काम गर्नुपर्छ।'
भारत र इण्डिजबिच दोश्रो वान डे आइतबार हुँदैछ।
