वीर गणेशमान सिंह राष्ट्रिय टी-२० क्रिकेट च्याम्पियनसिपमा बागमती प्रदेशमाथि मधेसले सहज जित हात पारेको छ।
मंगलबार मुलपानी मैदानमा भएको खेलमा मधेसले ६ विकेटको जित निकाल्यो।
टस जितेको मधेसले फिल्डिङ रोजेपछि पहिले ब्याटिङ गरेको बागमतीले २० ओभरमा ८ विकेटको क्षतिमा १४१ रन जोड्यो।
उसका लागि शुभ कंसाकारले ४३ रन र आशुतोष धिरैयाले ३७ रन जोडे।
बलिङमा मधेसका रुपेश सिंह, विशाल पटेल र अभिषेक तिवारीले २-२ विकेट लिए।
१४२ रनको लक्ष्य मधेसले ४ विकेटको क्षतिमा १७ ओभरमा पूरा गर्यो। मधेसका लागि सहिल पटेलले ६७ रनको योगदान गरे। उनी प्लेयर अफ दि म्याच भए।
प्रतियोगितामा सात प्रदेशका टिमको सहभागिता छ।
-1746009348.jpg)
