युगान्डामा भइरहेको वुमन्स डे टी-२० कपअन्तर्गत लिग चरणको अन्तिम खेलमा नेपाललाई हङकङले १०५ रनको लक्ष्य दिएको छ।
टस जितेर पहिले ब्याटिङ गरेको हङकङले ८ विकेटको क्षतिमा १०४ रन जोड्यो। हङकङका लागि शानजीन शाहजादले अर्धशतक प्रहार गरिन्। उनले ४७ बलमा ५४ रन जोडिन्।
चाङ यीनले १६ रन र यस्मिन दस्वानीले १४ रन बनाए।
बलिङमा नेपालकी राजमति ऐरीले ३ विकेट लिइन्। उनले चार ओभरमा १७ रन खर्चिइन्। कप्तान इन्दू बर्माले २ विकेट लिन सफल भइन्। उनलले ४ ओभरमा १ मेडन राख्दा १२ रन मात्र दिइन्।
नेपाल, हङकङ, युगान्डा र नामिबिया सहभागी प्रतियोगितामा नेपालले यसअघिका पाँचमध्ये चार खेलमा पराजय भोगिसकेको छ।
नेपालले नामिबियाविरूद्धका दुवै खेलमा पराजय भोग्दा युगान्डा र हङकङसँगका एक एक खेल हारेको थियो। नेपालले घरेलु टोली युगान्डासँगको एक खेल भने जितेको थियो।
चार खेलमा पराजित भएसँगै फाइनल पुग्न अहसफल नेपालले तेस्रो स्थानका लागि खेल्नेछ।
-1746009348.jpg)
