प्रधानमन्त्री कप एकदिवसीय राष्ट्रिय क्रिकेट प्रतियोगितामा गण्डकी प्रदेश ३१ रनमै अलआउट भएको छ।
रुपन्देहीको एक्स्ट्राटेक ओभलमा भएको खेलमा टस जितेर पहिले ब्याटिङ गरेको गण्डकी २०.४ ओभरमा ३१ रनमै अलआउट भयो।
इनिङग्सको चौथो बल देखि नै विकेट गुमाउन थालेको गण्डकीका लागि कोही ब्याटरले दोहोरो अंकमा रन बनाउन सकेनन्। जसमा गण्डकीका चार ब्याटर शून्यमा आउट भएका थिए। सर्वाधिक रन जोडेका अर्जुन कुमालले ९ रन बनाउन सकेन।
गण्डकीको इनिङग्स ध्वस्त पार्ने क्रममा कोशीका बिपिन महतोले ६ विकेट लिए। उनले ८ ओभरमा ३ मेडन राख्दा १७ रन मात्र दिए।
फिर्दोस अन्सारीले ३ विकेट लिए। उनले ८ ओभर मध्ये ५ ओभरमा त मेडन नै फ्याँक। फिर्दोसले १० रन मात्र दिए। दिपेश कँडेलले १ विकेट लिए।
३२ रनको लक्ष्य कोशीले ८.२ ओभरमा एक विकेट गुमाएर पूरा गर्दै नौ विकेट जित निकाल्यो। कोशीका लागि शकिब हकले नटआउट १६ रन र सोनु अन्सारीले ४ विकेट लिए। त्यसअघि ओपनर चिराग साहले १० रन बनाए।
जारी प्रतियोगितामा कोशीले लगातार चार खेलमा पराजय भोगे पछि पाँचौं खेलमा पहिलो जित निकालेको हो। यता गण्डकीले आफूले खेलेका चारमध्ये तीन खेलमा पराजय भोगिसकेको छ।
