प्रधानमन्त्री कप एकदिवसीय राष्ट्रिय क्रिकेट प्रतियोगितामा सशस्त्र प्रहरी बलको नेपाल एपिपएफ क्लबले तेस्रो जित निकालेको छ।
आइतबार सिद्धार्थनगरमा भएको खेलमा एपिएफले कर्णाली प्रदेशमाथि ५ विकेटको जित निकाल्यो।
कर्णालीले दिएको १९० रनको लक्ष्य एपिएफले ५ विकेटको क्षतिमा ३९.२ ओभरमा पूरा गर्यो।
एपिएफको जितमा दीपक बोहराले नटआउट ७० रन बनाए। प्लेयर अफ दि म्याच दीपकले ६७ बलमा ८ चौका र ४ छक्का प्रहार गरे। सुमित महर्जनले नटआउट ३४ रन बनाए।
त्यसअघि लोकेश बम २२ रन, आसिफ शेख २५ रन र कप्तान रोहित पौडेल २२ रन बनाएर आउट भए। सन्दीप जोरा र भुवन कार्की ६-६ बनाए।
बलिङमा कर्णालीका दीपेन्द्र रावत र दिवान पुनले २-२ विकेट लिए।
त्यसअघि टस जितेर पहिले ब्याटिङ गरेको कर्णाली ४७ ओभरमा १८९ रनमा अलआउट भयो। कर्णालीका लागि ओपनर सुनील धमालले ४७ रन बनाए भने राज शाहले ३० रन र दीनेश अधिकारीले ३० रन जोडे।
बलिङमा एपिएफका अभिषेक गौतमले ४ विकेट लिए। उनले १० ओभरमा २ मेडन राख्दा ३३ रन खर्चिए।
अंक तालिकाको तेस्रो स्थानको एपिएफले चार खेलमा तीन जित निकालेको भने कर्णाली चार मध्ये तीन खेलमा पराजित भइसकेको छ।
-1746009348.jpg)
