नेपाली राष्ट्रिय क्रिकेट टिमका नवनियुक्त प्रशिक्षक स्टुअर्ट ल नेपाल आइपुगेका छन्।
उनी शुक्रबार बेलुकी काठमाडौं आइपुगेका हुन्।
त्रिभुवन अन्तर्राष्ट्रिय विमानस्थलमा मुख्य प्रशिक्षक स्टुअर्टलाई नेपाल क्रिकेट संघका पदाधिकारीले स्वागत गरेका थिए।
गत जनवरीमा मोन्टी देशाईसँगको सम्झौता सकिएपछि क्यानले मुख्य प्रशिक्षकको आवेदन खुलाएका थिए।
त्यसबाट विभिन्न प्रक्रिया पूरा गरी अस्ट्रेलियन प्रशिक्षक ल गत चैत १५ गते नेपाली टिमको मुख्य प्रशिक्षक नियुक्त भएका थिए।
उनी नियुक्त भएको झन्डै एक महिनापछि काठमाडौं आएका हुन्।
उनी अप्रिलदेखि दुई वर्षका लागि मुख्य प्रशिक्षक नियुक्त भएका हुन्।
