आइसिसी विश्वकप लिग-२ अन्तर्गत आज नेपालले स्कटल्यान्डबिरूद्ध खेल्दैछ। स्कटल्यान्डको घरेलु मैदानमा हुने खेल नेपाल, स्कटल्यान्ड र नेदरल्यान्ड्सबीचको सिरिजको पहिलो खेल हो।
खेल नेपाली समयअनुसार अपरान्ह पौने चार बजे सुरू हुनेछ।
नेपाल र स्कटल्यान्डबीच अहिलेसम्म ८ वटा एकदिवसीय खेल भएका छन्। जसमा नेपालले नेपालले ४ खेल जितेको छ ।स्कटल्यान्डले ३ खेल जितेको छ भने १ खेल नतिजाविहीन भएको छ।
यो समग्र तथ्याङ्कले दुई टोलीबीच प्रतिस्पर्धात्मक खेल हुँदै आएको देखाउँछ। फेब्रुअरी २०२३ मा दुई पटक र अक्टोबर २०२४ मा एक पटक गरी नेपालले स्कटल्यान्डलाई लगातार ३ वटा खेलमा पराजित गरेको थियो (नोभेम्बर २०२४ को नतिजाविहीन खेल बाहेक)।
सन् २०२२ को अन्त्यमा स्कटल्यान्डले लगातार खेल जितेको भए पनि सन् २०२३ र २०२४ मा नेपालले जितको लय समातेको देखिन्छ।
सन् २०२२ मा भएका ४ खेलमध्ये स्कटल्यान्डले ३ खेल जितेको थियो (जुलाई १७ मा ग्लास्गोमा ८ विकेटले, डिसेम्बर ४ मा विन्डहोकमा ३ विकेटले, र डिसेम्बर ८ मा विन्डहोकमा ८ विकेटले) नेपाललाई हराएको थियो।
नेपालले जुलाई १३ मा ग्लास्गोमा भएको खेल ५ विकेटले जितेको थियो।
तर, सन् २०२३ र २०२४ मा भएका खेलहरूमा भने नेपालले लगातार जित हासिल गरेको देखिन्छ (नतिजाविहीन खेल बाहेक)।
फेब्रुअरी १७, २०२३ मा कीर्तिपुरमा भएको खेलमा नेपालले स्कटल्यान्डलाई ३ विकेटले हराएको थियो।
फेब्रुअरी २१, २०२३ मा सोही स्थानमा भएको अर्को खेलमा पनि नेपालले स्कटल्यान्डलाई २ विकेटले पराजित गरेको थियो।त्यसैगरी, अक्टोबर २९, २०२४ मा डलासमा भएको खेलमा नेपालले स्कटल्यान्डलाई ५ विकेटले हराएको थियो।
नोभेम्बर ४, २०२४ मा डलासमै भएको अर्को खेल वर्षाका कारण नतिजाविहीन भएको थियो।
