युवा स्पिनर युवराज खत्रीले घातक बलिङ गरेपछि नेपालको ‘ए’ क्रिकेट टोलीले भारतको आसाम स्टेट टोलीलाई ९६ रनले पराजित गरेको छ।
भारतको गुवाहाटीमा शुक्रबार भएको दोस्रो टी-२० खेलमा नेपालले दिएको १७४ रनको लक्ष्य पछ्याएको आसाम १५.२ ओभरमा ७७ रनमा अलआउट भयो।
आसामका लागि रहुनन्दनले सबैभन्दा बढी १७ रन बनाए।
बलिङमा नेपालका युवराजले ३.२ ओभरमा ४ विकेट लिए। उनले १ ओभर मेडन फ्याँक्दा १५ रन मात्र खर्चिए। बसिर अहमदले ३ विकेट लिए भने कमलसिंह ऐरी, आकाश चन्द र विवेक यादवले १-१ विकेट लिए।
त्यसअघि गुवाहाटीमा टस जितेर पहिले ब्याटिङ गरेको नेपालले ७ विकेटको क्षतिमा १७३ रन जोड्यो।
नेपालका लागि देव खनालले ३५ बलमा २ चौका र १ छक्क प्रहार गर्दै ३१ रन बनाए। तर ओपिङमा आएका कप्तान अनिल साह १ रन र शुभ कंसाकर ४ रनमा आउट भए।
सन्दीप जोराले २३ बलमा १ चौका र ३ छक्काको मद्दतमा ३५ रन र पवन सर्राफले २३ बलमा ३ छक्काको मद्दतमा ३१ रन बनाए।
आदिल अन्सारीले ८ बलमा २ छक्का प्रहार गर्दै १४ रन जोडे भने बसिर अहमदले १६ बलमा २७ रन र विवेक यादवले ८ बलमा ३ छक्का र १ चौका प्रहार गर्दै नटआउट २६ रन बनाए।
बलिङमा आसामका आकाश सेनगुप्ताले ३ विकेट लिए।
यसअघि वर्षाले प्रभावित पहिलो खेलमा नेपालमाथि आसामले डिएल मेथडमा जित निकालेको थियो। अब तेस्रो खेल शनिबार हुनेछ।
-1755241369.jpg)
-1746009348.jpg)
