इन्डियन प्रिमियर लिग (आइपिएल) का लागि राजस्थान रोयल्स क्रिकेटको मुख्य प्रशिक्षक रहेका राहुल द्रविडले सो पदबाट राजीनामा दिएका छन्।
टोली व्यवस्थापनको संरचनागत समीक्षापछि ५२ वर्षीय द्रविडलाई ‘थप विशेष जिम्मेवारी’ को प्रस्ताव गरिएको भएपनि पूर्व भारतीय कप्तानले उक्त प्रस्ताव अस्वीकार गरेको बताइएको छ।
विज्ञप्तिमा भनिएको छ, ‘मुख्य प्रशिक्षक राहुल द्रविडले आइपिएल २०२६ अघि ‘फ्रेन्चाइजी’मा आफ्नो कार्यकाल समाप्त गर्नुहुनेछ।’
द्रविड यसै सिजन मुख्य प्रशिक्षकको रूपमा टोलीमा फर्किएका थिए। तर राजस्थान प१० टोलीको तालिकामा निराशाजनक नवौं स्थानमा रहेपछि उनको भूमिकाप्रति प्रश्न उठेको थियो।
‘राहुल धेरै वर्षदेखि रोयल्सको यात्रामा केन्द्रबिन्दुमा रहँदै आउनुभएको थियो,” आइपिएलको सुरूवाती (पहिलो) विजेता राजस्थान रोयल्सले भनेको छ, ‘उहाँको नेतृत्वले खेलाडीहरूको एक पुस्तालाई प्रभावित गरेको छ, टोलीभित्र बलियो मूल्यमान्यताहरू निर्माण गरेको छ, र ‘फ्रेन्चाइज’को संस्कृतिमा अमिट छाप छोडेको छ।’
-1746009348.jpg)
