राष्ट्रिय खेलकुद परिषदले आफ्नो प्रतिनिधिको रुपमा नेपाल क्रिकेट संघ (क्यान) को केन्द्रीय सदस्य बनाइएका छुम्बी लामालाई फिर्ता बोलाएको छ।
परिषदले सोमबार पत्र लेख्दै लामालाई फिर्ता बोलाएको हो। यसअघि लामालाई २०८० को चैत २९ गते क्यानको पदेन सदस्यको रुपमा मनोनयन गरी पठाइएको थियो।
उनलाई राष्ट्रिय खेलकुद परिषदका तत्कालिन सदस्यसचिव टंकलाल घिसिङले क्यानको सदस्य पदको जिम्मेवारी दिएका थिए। त्यसअघि पनि रमेश सिलवालले उनलाई क्यानको सदस्यमा पठाएका थिए।
नेपाल क्रिकेट संघको विधानमा खेलकुद परिषदबाट दुई जना केन्द्रीय सदस्य मनोनयन गर्ने व्यवस्था छ।
खेलकुद परिषदले फिर्ता बोलाएसँगै हाल क्यानको प्रवक्ताको भूमिका पनि स्वत निस्क्रिय हुनेछ।
