बुटवल लुम्बिनी एफसीले नेपाल सुपर लिगमा पहिलो हार बेहोरेको छ।
बुटवललाई मंगलबार साँझ दशरथ रंगशालामा भएको खेलमा काठमाडौं रेजर्सले १-० गोलले पराजित गर्यो। काठमाडौंको जितमा स्टेफान बोनिङले खेलको पाँचौ मिनेटमा गरेको गोल निर्णायक गोल बन्यो।
जितसँगै काठमाडौं ४ खेलबाट ७ अंक जोड्दै तेस्रो स्थानमा उक्लिएको छ।
काठमाडौंले दुई जित निकाल्दा एक खेलमा बराबरी र एक खेलमा हार बेहोरेको छ।
यता बुटवलले भने ५ अंक जोडेको छ। उसले एक जित निकाल्दा दुई बराबरी र एक हार बेहोरेको छ। बुटवल अंक तालिकामा चौथो स्थानमा छ।
शीर्ष स्थानको विराटनगर सिटी एफसी र दोस्रो स्थानको धनगढी एफसीको पनि ७-७ अंक छ।
पाँचौ स्थानको पोखरा थन्डर्सले ५ अंक जोड्दा छैटौं स्थानको ललितपुर सिटीको ३ अंक र सातौं स्थानको एफसी चितवनको २ अंक छ।