अखिल नेपाल टेबल टेनिस संघको तत्वावधानमा वार्षिक कार्यक्रम अन्तर्गत स्ट्याग च्याम्पियन्स टेबल टेनिस एकेडेमीको आयोजनामा लैनचौरस्थित राष्ट्रिय टेबल टेनिस प्रशिक्षण केन्द्रमा भदौ १ देखि ६ गतेसम्म 'स्टयाग ग्लोब च्याम्पियन्स लिग– सिजन थ्री' हुने भएको छ।
यस प्रतियोगिताको तेस्रो संस्करणमा पनि स्टयाग ग्लोबल प्रालि इन्डियाले मुख्य प्रायोजक तथा इक्युप्मेन्ट पार्टनरको रुपमा निरन्तरता दिने भएको छ।
स्ट्याग ग्लोबल प्रालिका अध्यक्ष विवेक कोहली र स्टयाग च्याम्पियन्स टेबल टेनिस एकेडेमीकी प्रबन्ध निर्देशक नबिता श्रेष्ठबीच सम्झौता भएको छ। प्रतियोगितालाई आवश्यकता पर्ने टेबल टेनिस टेबल, रेफ्री कुर्सी, बल, स्कोर बोर्ड, टावेल बक्स, अफिसियल किट गरी पन्ध्र लाख बराबरको सामग्रीहरु प्रदान गर्नेछ।
छ दिन सम्म चल्ने यस मिक्स टिम लिग प्रतियोगितामा देशभरका विभिन्न क्लबहरुले सहभागिता जनाउने छन् भने सहभागी क्लबले एक महिला र एक पुरुष विदेशी खेलाडी अनुबन्ध गराउन पाउने छन्।
प्रतियोगिताको अनुमानित बजेट ३० लाख रुपैयाँ रहेको छ। यस प्रतियोगितामा प्रथम हुने टिमले तीन लाख रुपैयाँ प्राप्त गर्नेछ।
द्वितीय हुने टिमल एक लाख पचास हजार रुपैयाँ र तृतीय हुने (दुवै सेमी–फाइनलिष्ट) टिमले पचहत्तर हजार रुपैयाँ स प्राप्त गर्नेछन्।
-1746009348.jpg)
