नेपाल ओलम्पिक कमिटी (एनओसी) ले अन्तर्राष्ट्रिय ओलम्पिक दिवसको अवसरमा आयोजना गरेको एनओसी अवार्ड २०२६ मा कराते प्रशिक्षक कुशल श्रेष्ठ र कराते खेलाडी एरिका गुरुङले लगातार दोस्रो वर्ष एनओसी अवार्ड प्राप्त गरेका छन्।
नेपाली खेलकुदमा उत्कृष्ट प्रदर्शन गर्ने खेलाडी, प्रशिक्षक, सञ्चारकर्मी तथा संस्थालाई सम्मानित गर्दै एनओसीले भव्य समारोहका साथ अवार्ड वितरण गरेको हो।
मुख्य विजेता
• एनओसी उत्कृष्ट पुरुष खेलाडी २०२६: विजय सिन्जाली (वुशु)
• एनओसी उत्कृष्ट महिला खेलाडी २०२६: एरिका गुरुङ (कराते) — लगातार दोस्रो वर्ष
• एनओसी उत्कृष्ट पुरुष प्रशिक्षक २०२६: कुशल श्रेष्ठ (कराते) — लगातार दोस्रो वर्ष
• एनओसी उत्कृष्ट महिला प्रशिक्षक २०२६: हरिना थापा (कबड्डी)
• एनओसी उत्कृष्ट युवा पुरुष खेलाडी: नुर्बु थेन्दुप शेर्पा (बक्सिङ)
• एनओसी उत्कृष्ट युवा महिला खेलाडी: शिवाली गुरुङ (टेनिस)
• उत्कृष्ट राष्ट्रिय खेलकुद फेडेरेसन २०२६: नेपाल कराते फेडेरेसन
• उत्कृष्ट प्रिन्ट स्पोर्ट्स जर्नलिस्ट: अजय फुयाल (खेलाडी.कम)
• उत्कृष्ट अनलाइन स्पोर्ट्स जर्नलिस्ट: सरिता श्रेष्ठ (हम्रोखेलकुद.कम)
• उत्कृष्ट क्यामेरापर्सन: सुदर्शन रञ्जित
सबै अवार्ड विजेताहरूलाई जनही ५० हजार रुपैयाँ नगद, ट्रफी र न्यू हाइजन कार्पेट प्रालिद्वारा प्रायोजित प्रिमियम कार्पेट प्रदान गरिएको छ।
एनओसी अध्यक्ष जीवन राम श्रेष्ठले समारोहलाई सम्बोधन गर्दै सबै विजेतालाई बधाई दिएका थिए। उपाध्यक्ष गोपाल सुन्दर लाल कक्षपति र महासचिव राजीव श्रेष्ठले पनि कार्यक्रमको नेतृत्व गरेका थिए।
