नेपाली फिल्म 'सारंग' को टिजर सार्वजनिक गरिएको छ।
बिहीबार ओएसआर डिजिटलको युट्युबबाट सार्वजनिक टिजरमा आमाबुवाको मतभेदले बच्चामा पर्ने असर, साथीसाथीबीचको प्रेम र समर्पणको कथा देखाइएको छ।
प्रशान्त तामाङ निर्देशित 'सारंग' मा ऋचा शर्मा, उत्पल झा, समीरमणि दीक्षित, सुरज तमु, मणि के. राई, अनिशा न्यौपाने, निरज ब्ल्याक, विश्व स्याङ्बो, दीपीका थापा, सुमन सागर जंग केसी, प्रभात श्रेष्ठका साथमा बालकलाकारद्वय सम्राट थापा र आदित्य कार्कीले अभिनय गरेका छन्।
फिल्मको लेखन पनि कोरियोग्राफरको रूपमा परिचित निर्देशक तामाङ स्वयंको हो। उनका अनुसार फिल्ममा बाल मनोविज्ञान, बालअधिकार, धनी र गरिब परिवारबीचको खाड्लको कथा देखाइएको छ।
दर्शन बुद्ध फिल्मस्को प्रस्तुति रहेको फिल्मको निर्मातामा प्रेम तामाङ र फूलमाया तामाङ छन्। पुष्पा लिम्बू र बिनु गुरूङ सह–निर्माता छन्। गोपाल रायको डिओपी रहेको फिल्ममा मित्र डि. गुरूङको सम्पादन छ।
यो फिल्म माघ २५ गतेदेखि देशव्यापी प्रदर्शनमा आउनेछ। यसलाई स्टेशन फाइभले वितरण गर्नेछ।
