फिल्म 'स्त्री' निर्माण हुने भएको छ। बुधबार काठमाडौंको कमलादीस्थित गणेशस्थान मन्दिरमा शुभसाइत गर्दै फिल्म निर्माणको औपचारिक घोषणा गरिएको हो।
जीवन शाहीको निर्देशनमा बन्ने फिल्मको छायांकन शनिबारदेखि सुरू हुनेछ।
काठमाडौं र आसपासमा ३५ दिन छायांकन हुने निर्देशक शाहीले बताए। सामाजिक कथामा बन्ने फिल्ममा प्रमोद अग्रहरी, सलोन बस्नेत, रिस्ता बस्नेत र नम्रता श्रेष्ठ र बाल कलाकार दिप्सन चिलवालको प्रमुख अभिनय रहनेछ।
मेला रेकर्डिङ्ग स्टुडिओको ब्यानरमा निर्माण हुने फिल्मको निर्माता समीर राई हुन्।
निर्देशक शाहीकै कथा रहेको फिल्मको पटकथा उनले किशन अर्यालसँग मिलेर तयार परेका हुन्।
-1746009348.jpg)
