अभिनेत्री जसिता गुरूङले नयाँ फिल्म साइन गरेकी छन्।
कृषा चौलागाईंको निर्देशनमा निर्माण हुन लागेको फिल्म 'पारस' मा जसिता अनुबन्धित भएकी हुन्। उनलाई निर्माण पक्षले शनिबार 'पारस' का लागि औपचारिक सम्झौता गरेको हो।
जसिताले 'जेरीः अनटप' सुपरहिट भएपछि यो फिल्म साइन गरेकी हुन्।
यसअघि निर्माण पक्षले अभिनेता निखिल उप्रेतीलाई अनुबन्ध गरेको थियो। जसिताको अपोजिटमा निखिल उप्रेती हुने चर्चा भए पनि निर्माण पक्षले आधिकारिक जानकारी दिएको छैन।
फिल्म एक्सन तथा सामाजिक कथामा निर्माण हुने बताइएको छ। निर्देशक चौलागाईँले फिल्मको कथा अनुसार कलाकार अनुबन्ध गर्दै गएको बताइन्।
केपी फिल्म्सको व्यानरमा निर्माण हुने यस फिल्मलाई भारतीय पटकथाकार सचिन लादियाले लेखेका हुन्।
फिल्मको छायांकन पुरूषोत्तम प्रधानले गर्नेछन्। यसअघि 'एैंचो पैंचो' र 'पिताम्बर' निर्देशन गरेकी कृषाको 'पारस' निर्देशकीय तेस्रो फिल्म हुनेछ।
फिल्मको छायांकन आगामी फागुनबाट सुरू हुने जनाइएको छ।
-1746009348.jpg)
