बेल्जियमको मोल सहरबाट आन्त्वर्पेन आफैले गाडी चलाएर आइरहेका पर्वत जलजला ६ का वीर फगामी मगरलाई ट्रकले ठक्कर दिँदा घटनास्थलमै मृत्यु भएको छ।
जापानी खानाको व्यवसाय गर्दै आएका फगामी आफूले चलाएका रेस्टुराँहरूमा काम गर्ने कामदारहरू लिन भ्यान लिएर आन्त्वर्पेन जाँदै थिए।
यो गत बिहीबार दिउँसो १ बजेरतिरको घटना हो।
प्रहरीका अनुसार फगामीको भ्यान ठूलो ट्रकको पछि छिर्यो र पछाडिबाट आएको अर्को ट्रकले हिर्काउँदा नराम्रोसँग क्षतविक्षत भयो। एयरब्यागसम्म खुलेको भए ज्यान जोगिन सक्थ्यो तर एअर ब्याग खुलेन।
श्रीमतीसँग मिलेर व्यवसाय गर्दै आएका फगामीका १२ वर्षकी छोरी र दुई छोरा छन्।
स्थानीय शव गृहमा उनको शव राखिएको छ। मे ४ को दिन उनको दाहसंस्कार गरिने सल्लाह भएको राम बहादुर पुन मगरले बताए।
बेल्जियमको प्रहरीले घटनाको अनुसन्धान गरिरहेको बताएको छ।
--1715160207.JPG)
