ङादी ग्रुप पावर लिमिटेड र बरुण हाइड्रोपावरले हकप्रद सेयर निस्कासनको लागि विद्युत नियमन आयोगबाट स्वीकृति पाएको छ।
ङादीले एक बराबर दुई अनुपातमा हकप्रद सेयरको लागि स्वीकृति माग गरेकोमा कम्पनीलाई आयोगले एक बराबर १.५ अनुपातमा हकप्रद सेयर जारी गर्न अनुमति दिएको हो।
बरुण हाइड्रो पावरले एक बराबर एकको अनुपातमा हकप्रत सेयर जारी गर्ने अनुमति पाएको छ। अब यी दुवै कम्पनीले नेपाल धितोपत्र बोर्डबाट अनुमति पाएसँगै सेयर जारी गर्नेछन्।
हकप्रद सेयर स्वीकृत भएको खबरले बरुण हाइड्रो पावरको सेयरमा मंगलबार १० प्रतिशतले सर्किट ब्रेक लागिसकेको छ। अहिले कम्पनीको सेयर चार सय ४७ रूपैयामा कारोबार भइरहेको छ।
त्यस्तै, ङादी ग्रुप पावरको ९.३८ प्रतिशतले मूल्य बढेर ६ सय ३० रूपैयाँमा सेयर कारोबार भइरहेको छ।