नबिल बैंक र लगानी बोर्डबीच सम्झौता भएको छ। नेपालमा लगानी गर्न खोजिरहेका विदेशी लगानीकर्तालाई सहजीकरण तथा प्रवद्र्धनका लागि सम्झौता गरिएको बैंकले बताएको छ।
यस सम्झौताअन्तर्गत बैंकले विदेशी लगानीकर्तालाई वित्तीय सल्लाहकार सेवा प्रदान गर्न, प्रत्यक्ष वैदेशिक लगानी प्रवद्र्धन गर्न र नेपालमा लगानीका अवसरहरू देखाउन विभिन्न प्रवद्र्धनात्मक कार्यक्रमहरूमा सहभागिता जनाउने छ।
यो साझेदारीले पूर्वाधार परियोजनाहरू, हरित क्षेत्रका अवसरहरू, ऊर्जा क्षेत्रको प्रवर्द्धन तथा यस्तै अन्य पूर्वाधार विकास गर्न देशमा दिगो स्रोतको खाडल पुर्न टेवा पुग्ने विश्वास लिइएको छ।
नबिल बैंकका प्रमुख कार्यकारी अधिकृत अनिल केशरी शाह र लगानी बोर्डका प्रमुख कार्यकारी अधिकृत सुशील भट्टले सम्झौतापत्रमा हस्ताक्षर गरेका हुन्।
बैंकले १५० शाखा, १८७ एटिएम र १५०० भन्दा बढी नबिल रेमिटएजेन्टमार्फत सेवा दिइरहेको छ।
-1746009348.jpg)
