भिभोले ८,००० एमएएच ब्याट्री क्षमतासहितको नयाँ स्मार्टफोन 'वाई३२' नेपाली बजारमा सार्वजनिक गरेको छ।
दैनिक कामकाजमा स्मार्टफोनको उच्च प्रयोग गर्ने युवा पेसाकर्मी, फिल्डमा काम गर्ने कर्मचारी तथा दिनभर सक्रिय रहने र काम एवं व्यक्तिगत जीवन दुवैका लागि भरपर्दो स्मार्टफोन खोज्ने प्रयोगकर्तालाई लक्षित गरी यो फोन ल्याइएको कम्पनीले जनाएको छ।
वाई सिरिजअन्तर्गत सार्वजनिक गरिएको वाई३२ मा ४४ वाट फ्ल्यासचार्ज, आइपी ६८/आइपी ६९ डस्ट एन्ड वाटर रेजिस्टेन्स तथा एन्टी–ड्रप आर्मर डिजाइनलगायतका विशेषता समावेश छन्।
वाई३२ को मुख्य विशेषता यसको ८,००० एमएएच ब्याट्री हो।
कम्पनीका अनुसार ६ वर्षे ब्याट्री हेल्थ प्रविधिले १,५०० पूर्ण चार्जिङ साइकलपछि पनि कम्तीमा ८० प्रतिशत ब्याट्री क्षमता कायम राख्न मद्दत गर्छ।
ब्याट्रीको प्रयोग र चार्जिङलाई व्यवस्थित गर्न फोनमा स्मार्ट चार्जिङ इन्जिन उपलब्ध छ।
यसले प्रयोगकर्ताको चार्जिङ प्रक्रियाअनुसार ब्याट्रीमा पर्ने अनावश्यक दबाब कम गर्न सहयोग गर्छ।
त्यस्तै, ओभरनाइट चार्जिङ प्रोटेक्सनले रातभर चार्ज गर्दा ब्याट्रीलाई सुरक्षित राख्न चार्जिङ प्रक्रियाको व्यवस्थापन गर्छ।
४४ वाट फ्ल्यासचार्ज सुविधाले कम समयमा ब्याट्री चार्ज गर्न सहयोग गर्ने कम्पनीको भनाइ छ।
डिजाइनतर्फ वाई३२ मा प्रिमियम मेटालिक क्यामरा डिजाइन र डाइनामिक लाइट उपलब्ध छन्।
डाइनामिक लाइटले कल, म्यासेज तथा अन्य नोटिफिकेसनका लागि प्रकाश संकेत प्रदान गर्छ।
यसले फोनलाई आकर्षक बनाउनुका साथै प्रयोगकर्तालाई एकै नजरमा सूचना थाहा पाउन मद्दत गर्छ।
दैनिक प्रयोगका चुनौतीलाई ध्यानमा राखेर फोनमा आइपी६८ आइपी६९ डस्ट एन्ड वाटर रेजिस्टेन्स तथा एन्टी–ड्रप आर्मर डिजाइन दिइएको कम्पनीले जनाएको छ।
यी विशेषताले धुलो, पानी तथा दैनिक प्रयोगका क्रममा हुन सक्ने ठक्कर र आकस्मिक खसाइबाट फोनलाई थप सुरक्षा प्रदान गर्ने कम्पनीको दाबी छ।
वाई३२ नेपालभरका आधिकारिक भिभो रिटेल स्टोरहरूमा तीन भेरियन्टमा उपलब्ध भएको छ।
यसको मूल्य निम्नानुसार छ।
४ + १२८ जिबीको मूल्य ३९ हजार ९९९ रूपैयाँ
६ + १२८ जिबीको मूल्य ४५ हजार ९९९ रूपैयाँ
६ + २५६ जिबीको मूल्य ५२ हजार ९९९ रूपैयाँ
विशेष लन्च अफरअन्तर्गत पहिलो ३० दिनभित्र वाई३२ खरिद गर्ने ग्राहकले थप दुई वर्षको ब्याट्री वारेन्टी पाउने कम्पनीले जनाएको छ।
यसले दीर्घकालीन प्रयोगका लागि ग्राहकलाई थप भरोसा दिने कम्पनीको भनाइ छ।
.JPG)
-1746513231.jpg)
