लगातार घटिरहेको सुनको मूल्य आज पनि घटेको छ। बुधबार सुन प्रतितोला ९९ हजार रुपैयाँमा कारोबार भइरहेको छ।
अघिल्लो दिनको तुलनामा आज सुन प्रतितोला तीन सय रुपैयाँ घटेको हो। मंगलबार सुन प्रतितोला ९९ हजार तीन सय रुपैयाँमा कारोबार भएको थियो।
त्यस्तै, आज चाँदीको मूल्य पनि प्रतितोला १० रुपैयाँ घटेर १३ सय ४० रुपैयाँमा कारोबार भइरहेको छ। अघिल्लो दिन चाँदी प्रतितोला १३ सय ५० रुपैयाँमा कारोबार भएको थियो।
अघिल्लो साताको सोही दिन सुन प्रतितोला एक लाख ६ सय रुपैयाँ र चाँदी प्रतितोला १३ सय ८५ रुपैयाँमा कारोबार भएको थियो।
आज अन्तर्राष्ट्रिय बजारमा पनि सुनको मूल्य घटेको छ। अघिल्लो दिन १९ सय ३ अमेरिकी डलरमा कारोबार भएको सुन आज प्रतिऔंस १८ सय ९९ अमेरिकी डलरमा कारोबार भइरहेको छ।
