भारतीय पूर्वसैनिक गोर्खा ब्रिगेडले रसुवा बाढीपीडितका लागि प्रधानमन्त्री दैवी प्रकोप उद्धार कोषमा १ करोड ३१ लाख ४१ हजार ७ सय ९१ रूपैयाँ सहयोग गरेको छ।
भारतीय भूतपूर्व गोर्खा सैनिकहरूको संस्थाले बुधबार काठमाडौंमा आयोजना गरेको कार्यक्रममा प्रतिनिधिसभा सदस्य धनञ्जय रेग्मीको प्रमुख आतिथ्यमा उक्त रकम प्रधानमन्त्री राहत कोषमा हस्तान्तरण गरिएको हो।
भारतीय पूर्वसैनिक गोर्खा ब्रिगेडअन्तर्गत देशभरका विभिन्न संस्थाले संकलन गरेको ९७ लाख १८ हजार २ सय ४९ रूपैयाँ प्रधानमन्त्री राहत कोषमा जम्मा गरिसकेको छ।
बाँकी ३४ लाख २३ हजार ५ सय ४२ रूपैयाँ कार्यक्रमका प्रमुख अतिथि मार्फत प्रधानमन्त्री राहतकोषमा जम्मा गरिने बताइएको छ।
कार्यक्रममा विभिन्न गोर्खा पल्टन वा पल्टनको तर्फबाट वा व्यक्तिगत रूपमा धेरै रकम सहयोग गर्ने पूर्वसैनिकहरूलाई सम्मान गरिएको थियो।
प्राकृतिक विपदबाट प्रभावित नागरिकको सहयोगका लागि पूर्वसैनिक संस्थाले आफ्नो तर्फबाट सहयोग संकलन गरी राहत कोषमा हस्तान्तरण गरेको जनाएको छ।
-1789571829.jpg)
-1789571827.jpg)
-1789571827.jpg)
-1789571827.jpg)
-1746009348.jpg)
