नेपाली कांग्रेसका महामन्त्री शशांक कोइराला अस्पतालबाट डिस्चार्ज भएका छन्।
उनको स्वास्थ्यमा क्रमिक सुधार आएपछि अस्पतालले उनलाई डिस्चार्ज गरेको हो।
गत भदौ २२ गते ज्वरो आएर ओम अस्पताल भर्ना भएका कोइरालाको कोरोना परीक्षण गर्दा रिपोर्ट पोजेटिभ आएको थियो। त्यसपछि उनी अस्पतालको आइसोलेसनमा बस्दै आएका थिए।
चिकित्सकको सल्लाहबमोजिम अब केही दिन होम-आइसोलेसनमै रहने उनले जनाए।
यसका साथै उपचारमा संलग्न चिकित्सक टिमलाई उनले धन्यवाद दिएका छन्।
