भोलि बस्ने भनिएको प्रतिनिधि सभाको बैठक आगामी माघ १६ गतेसम्मका लागि स्थगित भएको छ।
संघीय संसद सचिवालयका अनुसार माघ ३ गते दिउसो १ बजे बस्ने भनिएको बैठक कोभिड १९ को संक्रमणको बढ्दो प्रभावले नबस्ने भएको हो।
प्रतिनिधि सभा नियमावली, २०७५ को नियम ६ को उपनियम ३ बमोजिम सभामुख अग्नीप्रसाद सापकोटाले माघ १६ गतेसम्म बैठक स्थगित गराएका हुन्।
अर्को बैठक माघ १६ गते आइतबार दिउँसो १ बजे बस्नेछ।
यस्तै राष्ट्रिय सभा बैठक अनिश्चित कालका लागि स्थगित भएको छ।
