नेकपा एमालेका अध्यक्ष केपी शर्मा ओलीले प्रधानन्यायाधीश चोलेन्द्रशमशेर राणाविरूद्धको महाभियोग संसदले नटुंग्गाएको भन्दै सरकार र सभामुखप्रति आक्रोश व्यक्त गरेका छन्।
शुक्रबार काठमाडौंमा आयोजित एक कार्यक्रममा बोल्दै ओलीले आफूले चाहे अनुसारको नतिजा प्राप्त नहुने भएपछि महाभियोग अघि नबढाइएको भन्दै आक्रोश व्यक्त गरेका हुन्।
ओलीले सभामुख अग्निप्रसाद सापकोटालाई सरकारको खेलौना बनेको आरोप लगाए।
‘गैरजिम्मेवार सरकारका खेलौना सभामुख, आफ्नो टेबलमा भएको महाअभियोगको प्रस्तावको छिनोफानो गर्नु पर्दै?,’ ओलीले भने, ‘मान्छेलाई डामेर छाड्ने, अभियोग लगाएर छाड्ने? तर त्यो अभियोगका बारेमा नबोल्ने।’