नेकपा (एमाले)का नेता प्रदीप ज्ञवालीले केन्द्रीय सदस्यमा मत मागेका छन्।
मंगलबार बिहान फेसबुकमा स्ट्याटस लेखेर पूर्वउपमहाचिव रहेका ज्ञवालीले केन्द्रीय सदस्य पदका लागि प्रतिनिधिहरूसँग मत मागेका हुन्।
ज्ञवाली केपी ओली टिममा महासचिवका आकांक्षी थिए।
यद्यपि ओलीले शंकर पोखरेललाई महासचिवको उम्मेदवार बनाएका थिए। ओलीको टिमबाट ज्ञवालीलाई उपाध्यक्षको उम्मेदवार बनाइएको थियो।
उपाध्यक्ष अस्वीकार गरेका ज्ञवाली सोमबार केन्द्रीय सदस्यमा मात्रै उम्मेदवारी दिएर भृकुटीमण्डपबाट बाहिरिएका थिए।
उनले आफूसहित ओलीले नेतृत्व गरेको टिमका लागि पनि मत मागेका छन्।
'नेकपा (एमाले) को आन्तरिक जीवनका लागि मात्र होइन, चुनौतीपूर्ण राष्ट्रिय राजनीतिकै लागि पनि दूरगामी अर्थ राख्ने यस महाधिवेशनबाट कमरेड केपी शर्मा ओलीले अगुवाइ गर्नु भएको सिङ्गो टिमलाई शानदार मतका साथ विजयी बनाउनु हुन सबै कमरेडहरूमा हार्दिक अपिल गर्दछु। म हमेशा तपाईँहरूकै बिचमा छु, त्यहीँ रहन्छु ।यसपटक पार्टी केन्द्रीय कमिटीको सदस्य पदमा उम्मेदवारी दिएको छु । कमरेडहरूबाट मन र मत दुबै पाउने विश्वास लिएको छु,' उनले फेसबुकमा लेखेका छन्।
-1746009348.jpg)
