प्रधानमन्त्री वालेन्द्र शाहले लिपुलेक, लिम्पियाधुराको विषय कूटनीतिक संवादबाट टुंग्याउने प्रष्ट्याएका छन्।
आइतबार प्रतिनिधि सभा बैठकमा नेकपा एमाले दल उपनेता पद्मा अर्यालले सोधेको प्रश्नको जबाफमा प्रधानमन्त्री शाहले लिपुलेक, लिम्पियाधुरा, लिपुपासबारेको विषय चीन, भारत मात्र नभइ बेलायत सरकारसँग पनि कुराकानी भइरहेको बताएका हुन्।
‘राष्ट्रको सार्वभौमिकता राष्ट्रिय अखण्डता र स्वतन्त्रता हामी सबैको प्राणभन्दा प्यारो चिज हो। नेपालको भूमि, हामीले दाबी गरिरहेका छौं। नक्सामा जारी भइरहेको छ। त्यो भूमिमा त्रिपक्षीय सरोकारको ठाउँ; नेपाल चीन र भारतको। तर आज नेपाललाई बेवास्ता गरेर, भारत र चीनका तर्फबाट दुई पक्षीय समझदारी कायम गरेर जुन व्यापारिक मार्ग निर्माण गर्ने काम धमाधम भइरहेको छयो सन्दर्भमा नेपाल सरकारको धारणाक के छ? सरकारले के गरिरहेको छ?,’ सांसद पद्माले सोधेकी थिइन्।
‘लिपुलेक लिम्यिाधुरासम्बन्धी प्रश्न सोध्न खोज्नुभएको जस्तो लाग्छ’ भन्दै प्रधानमन्त्रीले जबाफ दिएका थिए।
‘यो सन्दर्भमा नेपाल सरकारले कूटनीतिक नोट भारत सरकारलाई पठाइसकेको छ। त्यसको जबाफ पनि आएको छ। यो जबाफमा चाहिँ दुइटै सरकारले आफ्नो इतिहासविद राखेर, सर्भेयर (नापी) राखेर, आफ्नो भूमिसम्बन्धी जानकारी भएका व्यक्तिहरू राखेर टेबल टकमार्फत् यो कुरालाई समाधान गर्ने कुरा भएको छ। यससम्बन्धी हामीले भारत र चीनलाई मात्रै नभएर, बेलायत सरकारसँग पनि कुरा गरेका छौं। ब्रिटिसहरूले इण्डिया छोड्दै गर्दादेखि समस्या हाम्रोमा भइरहेको हुँदा यसमा बेलायतले पनि सरोकार राख्नुपर्छ भन्ने हाम्रो मान्यता हो। यसमा टेबल टक, कूटनीतिक हिसाब समाधान हुन्छ भन्ने जानकारी गराउन चाहन्छु,’ उनले भनेका थिए।
-1780214601.jpeg)
