थाइल्याण्डको याला प्रदेशमा भएको मुस्लिम विद्रोहीको आक्रमणमा परी १५ जनाभन्दा बढीको मृत्यु भएको छ भने चार जना घाइते भएका छन्।
स्थानीय सेनाका प्रवक्ता प्रमोट प्रोम-इनले एएफपीलाई बताएअनुसार मंगलबार राति आतंककारीहरूले सिभिल डिफेन्सका स्वयम् सेवकहरूले काम गरिरहेको दुई चेक पोस्टमा हमला गरेका थिए।
मंगलबार १२ जनाको घटनास्थलमै र दुई जनाको अस्पतालमा मृत्यु भयो भने एक जनाको बुधबार बिहान मृत्यु भएको हो,' प्रवक्ता प्रमोटले भने, 'विद्रोहीले चेक पोस्टबाट एम-१६ राइफल र सटगन पनि लगे।'
घटना भएको ठाउँ हाल बन्द गरिएको छ र उक्त ठाउँमा फरेन्सिक अनुसन्धान भइरहेको प्रहरीले जनाएको छ।
शताब्दीअघि उपनिवेश गरिएको बौद्ध धर्मावलम्बीहरूको बाहुल्य थाइ राज्यसँग लडिरहेका विद्रोहीले मलेसियाको सीमानामा छुट्टै सांस्कृतिक क्षेत्रको स्वायत्तता खोजिरहेका छन्।
यो द्वन्द्वले जस्तालाई तस्तै भन्ने आशय चित्रण गर्छ जसले थाइ राज्यको प्रतीक र यसको सुरक्षा बललाई लक्षित गरी आक्रमण गर्छ। तर यस द्वन्द्वको बीच मुस्लिम र बुद्ध धर्मावलम्बी समुदाय पर्ने गर्छन्।
