जनप्रतिनिधि र कर्मचारीहरूमा कोरोना संक्रमण देखिएपछि बाँकेको नेपालगञ्ज उपमहानगरपालिका कार्यालय अनिश्चितकालका लागि बन्द गरिएको छ।
संक्रमणको उच्च जोखिमका कारण अर्को सूचना जारी नभएसम्मको लागि कार्यालय पूर्ण रूपमा सिल गरिएको प्रमुख प्रशासकीय अधिकृत ओमबहादुर खड्काले जानकारी दिए।
उपमहानगरले सोमबार सूचना निकालेर कोरोना समुदायस्तरमै फैलिएको जानकारी दिएको छ। ‘यस कार्यालयमा कार्यरत केही जनप्रतिनिधि र कर्मचारीको भेरी अस्पतालमा परीक्षण गर्दा संक्रमण पुष्टि भएकोले कार्यालय पनि संक्रमणको उच्च जोखिम छ,’ उनले भनेका छन्।
स्वास्थ्य तथा जनसंख्या मन्त्रालयका अनुसार भेरी अस्पताल प्रयोगशालामा गरिएको परीक्षणमा सोमबार बाँकेका आठ जना कोरोना संक्रमित भेटिएका छन्।